Pamantayan sa Pagiging Kwalipikado
Karamihan sa mga estudyanteng bagong tanggap mula sa high school at yaong nakatapos ng mas mababa sa 24 credit hour sa ibang post-secondary institution ay kukumpletuhin ang unang taon ng kanilang degree program sa University 1. Pagkatapos makumpleto ang University 1, maaaring mag-aplay ang mga estudyante para sa admission sa nais nilang faculty o school, o lumipat sa Arts o Science para ipagpatuloy ang pag-aaral. Kapag nakumpleto na ang 30 credit hour ng mga kurso, kailangang umalis ang mga estudyante sa University 1 bago ang susunod nilang registration. Upang makapasok sa Faculty of Science, dapat nakumpleto ng isang estudyante ang hindi bababa sa 24 credit hour ng mga kurso. Ang mga estudyanteng pumapasok sa Faculty of Science ay inilalagay sa tatlong-taong General degree program, maliban kung nag-aplay silang pumasok sa isang partikular na apat-na-taong Major o Honours program.