Pamantayan sa Pagiging Kwalipikado
Kinakailangan sa wikang Ingles
Ang lahat ng prospective na mag-aaral ay kailangang magpakita ng kanilang kakayahan sa Ingles bago matanggap sa UBC. Natutugunan ng karamihan sa mga mag-aaral sa Canada ang kinakailangang ito – na tinatawag na English Language Admission Standard – sa pamamagitan ng pagkumpleto ng apat na taon ng full-time na edukasyon sa Canada o katumbas nito sa ibang bansang Ingles ang pangunahing wika.
Kung hindi mo natutugunan ang kinakailangan sa paraang ito, maaari mo itong matugunan sa iba pang paraan.
Mga kinakailangan sa high school
May pangunahing hanay ng mga kinakailangan ang UBC na kailangang matugunan ng lahat ng mag-aaral sa high school sa BC at Yukon. Kinakailangan na makapagtapos ka ng high school at matagumpay na makumpleto ang mga sumusunod na kurso.
Grade 12
English 12
Tatlong karagdagang kurso sa Grade 12 (may mga karagdagang detalyeng naaangkop)
Grade 11
English 11
Principles of Mathematics 11
Isang kurso sa wika sa Grade 11
Isang kurso sa agham sa Grade 11
Isang kurso sa araling panlipunan sa Grade 11
Maaaring gamitin ang International Baccalaureate certificate at mga kursong Advanced Placement upang matugunan ang mga kinakailangan sa itaas.
Kailangan mong kumuha ng mga provincial exam sa Grade 12, kahit opsyonal ang mga ito para sa pagtatapos.